Kæru gestir,

Í ljósi aðstæðna og hertra aðgerða til þess að sporna við útbreiðslu Covid-19 verður Vök Baths lokað frá og með morgundeginum, 24. mars. Stefnt er að opna þegar samkomubanni lýkur þann 4. mai n.k.

Til þess að koma til móts við gesti okkar munu öll árskort vera fryst í þann tíma sem að samkomubannið varir.

Hugum að hvort öðru á þessum tímum, sýnum skynsemi og sjáumst vonandi sem allra fyrst.

 

Fljótandi laugar í fallegri náttúru

Vök Baths eru heitar náttúrulaugar við Urriðavatn, í einungis 5 km kílómetra fjarlægð frá Egilsstöðum. Laugarnar eru fullkominn áningarstaður allra þeirra sem vilja upplifa beina snertingu við náttúruna og næra um leið líkama og sál.

Á Austurlandi eru fá jarðhitasvæði og því eru heitar náttúrulaugar spennandi nýung fyrir íbúa og þá sem sækja Austurland heim. Þess má geta að jarðhitavatnið sem kemur úr borholum Urriðavatns er auk þess svo hreint að það hefur verið vottað hæft til drykkjar en ekkert jarðhitavatn hér á landi hefur fengið þá vottun sem eykur enn á sérstöðu Vök Baths.

Fljótandi laugar í fallegri náttúru

Vök Baths eru heitar náttúrulaugar við Urriðavatn, í einungis 5 km kílómetra fjarlægð frá Egilsstöðum. Laugarnar eru fullkominn áningarstaður allra þeirra sem vilja upplifa beina snertingu við náttúruna og næra um leið líkama og sál.

Á Austurlandi eru fá jarðhitasvæði og því eru heitar náttúrulaugar spennandi nýung fyrir íbúa og þá sem sækja Austurland heim. Þess má geta að jarðhitavatnið sem kemur úr borholum Urriðavatns er auk þess svo hreint að það hefur verið vottað hæft til drykkjar en ekkert jarðhitavatn hér á landi hefur fengið þá vottun sem eykur enn á sérstöðu Vök Baths.

Heitar uppsprettur Urriðavatns eru hér orðnar að einstakri vin, þar sem ósnortin náttúran er allt um kring. Vakirnar, fljótandi laugar Vök Baths, eru aðal kennimerki staðarins en þær eru fyrstu fljótandi laugar landsins og skapa þær náttúruupplifun fyrir gesti sem er engu lík.

Baðaðstaða

Sérstaða Vök Baths eru Vakirnar tvær sem eru fljótandi laugar staðsettar úti í Urriðavatni. Fljótandi laugar eru nýnæmi hér á landi en í þeim ná gestir að upplifa einstaka tengingu við náttúruna með útsýni í allar áttir. Auk fljótandi lauganna býður Vök Baths upp á tvær heitar laugar við strönd vatnsins, laugarbar, köld úðagöng og gufubað.

Mikið er lagt upp úr snyrtilegri og vandaðri aðstöðu fyrir gesti. Í búningsklefum eru góðar sturtur og læstir skápar og hægt er að leigja sundfatnað og handklæði í móttöku.

ATH!
Við erum nýbúin að opna og erum enn að leggja lokahönd á aðstöðuna okkar.
Á næstunni munum við setja upp gler í sturtum svo allar sturtur verði einkaklefar, klára gufubað, köldu göngin ásamt ýmissa annarra smærri verka sem munu bæta staðinn og upplifun gesta í Vök.
Við biðjumst velvirðingar á þeim óþægindum sem þetta kann að valda.

Vök Bistro

Við mælum með að gestir staldri við í Vök Bistro og leyfi bragðlaukunum líka að njóta. Staðurinn hefur sjálfbærni að leiðarljósi í allri matseld og kaupum aðfanga. Lögð er rík áhersla á íslenskt hráefni úr heimabyggð og breytist því matseðillinn reglulega yfir árið eftir því hvaða hráefni er í boði hverju sinni. Einkennisdrykkur Vök Baths er jurtadrykkur bruggaður úr heita vatni Urriðavatns og íslenskum jurtum en heita vatnið hefur fengið þá viðurkenningu að vera eina vottaða heita vatnið til drykkjar hér á landi

 

Hvar er Vök Baths?

5km norðvestur frá Egilsstöðum

Urriðavatn, leið 925 Hróarstunguvegur, 701 Egilsstaðir

GPS: 65.3038589,-14.449273

 

Hvernig kemst ég þangað?

Með bíl

Úr suðri:
Höfn 262 km
Djúpivogur 161 km
Úr norðri
Akureyri 269 km
Mývatn 164 km

Með flugi

Beint flug frá Reykjavík til Egilsstaða (1klst flug – 3svar á dag)

HEIMILISFANG

 Vök Baths

 Vök við Urriðavatn

 701 Egilsstaðir

HAFA SAMBAND

 hello@vok-baths.is

 +354 4709500

FYLGSTU MEÐ Á