Vök Baths | Veitingar
1245
page-template,page-template-full_width,page-template-full_width-php,page,page-id-1245,cookies-not-set,qode-social-login-1.0.2,qode-restaurant-1.0,ajax_fade,page_not_loaded,,select-theme-ver-4.7,wpb-js-composer js-comp-ver-5.7,vc_responsive

Veitingastaður Vök Baths

 

Við mælum eindregið með heimsókn á veitingastað Vök Baths og Infusion barinn til að auka enn frekar á upplifun dagsins.

Infusion bar

Á Infusion barnum bjóðum við upp á úrval af lífrænum jurtadrykkjum sem gestir brugga sér sjálfir. Þar eru á boðstólnum íslenskar handtíndar jurtir sem blandað er í 75 gráðu heitt og kristaltært vatn beint úr borholum Urriðavatns. Við bjóðum jurtadrykkina einnig kælda ef gestir vilja frískandi drykk eftir slökun í heitu laugunum. Þessi drykkur er innifalinn í aðgangsmiða gesta.

Veitingar

Veitingastaður Vök Baths er opinn og bjartur og tekur á móti gestum með fallegu útsýni yfir Urriðavatn. Daglega er boðið upp á léttar veitingar svo sem súpur, sushi, þeytinga, fersk salöt og samlokur sem og fjölbreytt úrval af heimabökuðu brauði. Allt hráefni kemur úr heimabyggð og er leitast við að kaupa inn lífrænt eins og kostur er. Gott samstarf er við austfirska bændur til að tryggja ferskt og fyrsta flokks hráefni.

 

Laugarbar Vök Baths býður einnig upp á úrval drykkja sem hægt er að njóta á meðan slakað er á í laugunum. Þ.á.m. má finna sérstaka bjóra bruggaða úr heita vatninu og bragðbætta með afurðum af svæðinu.

Vökvi and Vaka

Í samstarfi við austfirska bjórframleiðandann Austra Brugghús, höfum við þróað tvo einstaklega ljúffenga handverksbjóra sem kallast Vökvi og Vaka og eru þeir bruggaðir sérstaklega fyrir Vök Baths úr heita vatni Urriðavatns.

Vökvi er 4,5% Blond Kellerbier, að hluta til úr byggi frá lífrænabúinu Vallanesi.

Vaka er 4,5% þurrhumlaður Indian Pale Ale með sítrónumelissu frá Vallanesi.